een van Drie

groot oopvlerk skoenlapper is jy
wat sag oor my bors
jou reënboog vlerke sprei
partykeer warm
partykeer koud
partykeer 'n kool vuur wat brand

die tintelende ritsel
maak my ore oop
vir dit wat ek moet hoor
en bevestig in my hart
dat ek die regte rigting loop

die sagte wind
van jou gewapper
vang my soms onkant
as my vel koud en warm begin rimpel

jy is Sy teenwoordigheid
Sy stem
geluidloos
in my hartsblom
oopgemaak vir bestuiwing
vrugte dra
saad te skiet
en later
die oes te haal