Ruiterwit (vir Retha)

Sy voetstappe weerklink
in my hart se eggo
wat die ritme verklik

vinniger wanneer Hy naby is

rustiger in die stormwind

Hy gallop deur my angs
maak my vrese stil
met hoewe wat klap
dring Hy my hartskamer in
en die stilte wat volg
in Sy asem wat jaag
gee my nuwe krag

Hy is die Ruiter
en die Wit Perd
my krag en my skild
ek is Syne en Hy myne

vir altyd Sy kind